Vidi Montserrat-on per flugroboto (drone)

Advertisements

Kataluna entreprenisto iĝis monaĥo je aĝo 57a

Lia profesia sukceso kondukis lin al vivo-krizo

Monjo de Montserrat

Neniam estas malfrue por rekomenci. David Valls, kiu havis gravan postenon en multnacia entrepreno, tre baldaŭ ĝiros 180 gradojn en sia vivo. Laca pri mono kaj lukso, la entreprenisto estos la unua monaĥo akceptita de Montserrat en la lastaj kvar jaroj. “Mi ne estis feliĉa”, rakontal David, ĝis kiam li spertis retiriĝon en Montserrat. Ĉi dimanĉe, post dek jaroj da preparo, fariĝos frato Pau kaj aliĝos al la benedikta komunumo.

“Mi estis tre agresa ĉefo kaj tio portis min ĉe la rando de vera kolapso”, rakontas David. Li memoras ke iu el lia rondo kiu tre amis lin komprenigis al li ke “eble estus bone halti”. Kaj David akceptis la sugeston, li forlasis sian streĉan kaj luksan vivostilon, kiu estis kvazaŭ eksplodpova koktelo. Post kelkaj jaroj da religia novicado, la atendado alvenis al la fino kaj li ekkomencos tute novan vivon.

David kreskis ene de kristana familio. Junaĝa li estis skolto kaj ofte preta volontuli, li estis ankaŭ engaĝita en sociaj kaj kulturaj movadoj. Sed post studado de Filozofio en la universitato, la labora mondo kondukis lin al perdo  de sia religia kredo.

Li finis en “vivo-krizo”-n . Sed lia kontakto kun Montserrat redonis al li pacon kaj la rehavon de sia perdita kredo pro “kvazaŭ-kuraca konvertiĝo”. Li decidis “aŭskulti la voĉon de Dio” kaj sekvi la vojon de Jesuo-Kristo. David asertas ke nun li esta feliĉa.

Fonto: Catalunya Diari

 

 

La ĉefepiskopo de Tarragona kaj la abatestro de Montserrat malaprobas la enkarcerigon kaj vokas al dialogo

Same kiel aliaj reprezentantoj de la socio, la ĉefepiskopo de Tarragona, Jaume Pujol, kaj la abatestro de Montserrat, Josep Maria Soler, publikigis sian malaprobon al la ĵusa enkarcerigo de la kataluniaj deputitoj kaj registaranoj, Josep Rull, Jordi Turull, Raül Romeva, Carme Forcadell kaj Dolors Bassa.

Josep Maria Soler

Soler redaktis la jenan komunikon:

La nuna situacio en Katalunio estas tre zorgiga kaj doloriga. La preventaj enkarcerigoj, nekompreneblaj por multaj homoj, kreas grandan nervozon. Krome, ili malfaciligas la eblecon pri malaltigo de la socia streĉo, necesa por trovi manieron solvi la politikan problemon kiu tuŝas nin ĉiujn kies plimalboniĝon neniu deziras. Tial, gravas plu teni la kapablon alfronti la nunan momenton surbaze de la meditado kaj la dialogo; dialogo sen la humiligoj kiuj multaj petadas jam delonge. Nepras ke ĉiu el ni faru sian plejeblon por superi tiun ĉi momenton per pacaj kaj demokratiaj rimedoj, tiel kiel vojmontris la katalunaj episkopoj en ilia Noto de la 16 de pasinta februaro. Ni konsciu pri la graveco agi  senpasie kaj saĝe, ni petas ke nia Dipatrino iluminu la katalunan teron (aludo al tradicia popolkanto) en tiu ĉi malfacila tempo.

Arquebisbe

“Nin doloras la enprizonigoj, kiuj malfaciligas la estontan kunvivadon. Ni preĝu por la paco kaj la refratiĝo”

Fonto: Vilaweb