La ĉefepiskopo de Tarragona kaj la abatestro de Montserrat malaprobas la enkarcerigon kaj vokas al dialogo

Same kiel aliaj reprezentantoj de la socio, la ĉefepiskopo de Tarragona, Jaume Pujol, kaj la abatestro de Montserrat, Josep Maria Soler, publikigis sian malaprobon al la ĵusa enkarcerigo de la kataluniaj deputitoj kaj registaranoj, Josep Rull, Jordi Turull, Raül Romeva, Carme Forcadell kaj Dolors Bassa.

Josep Maria Soler

Soler redaktis la jenan komunikon:

La nuna situacio en Katalunio estas tre zorgiga kaj doloriga. La preventaj enkarcerigoj, nekompreneblaj por multaj homoj, kreas grandan nervozon. Krome, ili malfaciligas la eblecon pri malaltigo de la socia streĉo, necesa por trovi manieron solvi la politikan problemon kiu tuŝas nin ĉiujn kies plimalboniĝon neniu deziras. Tial, gravas plu teni la kapablon alfronti la nunan momenton surbaze de la meditado kaj la dialogo; dialogo sen la humiligoj kiuj multaj petadas jam delonge. Nepras ke ĉiu el ni faru sian plejeblon por superi tiun ĉi momenton per pacaj kaj demokratiaj rimedoj, tiel kiel vojmontris la katalunaj episkopoj en ilia Noto de la 16 de pasinta februaro. Ni konsciu pri la graveco agi  senpasie kaj saĝe, ni petas ke nia Dipatrino iluminu la katalunan teron (aludo al tradicia popolkanto) en tiu ĉi malfacila tempo.

Arquebisbe

“Nin doloras la enprizonigoj, kiuj malfaciligas la estontan kunvivadon. Ni preĝu por la paco kaj la refratiĝo”

Fonto: Vilaweb

Advertisements

Montserrat vikipedie

Montserrat des de Manresa.JPG

Montserrat estas rokmasivo kiu estas konsiderata la monto plej grava kaj signifoplena de Katalunio. Ĝi situas je 30 kilometroj de la centro de Barcelono, inter la komarkoj (regionoj) Anoia, Baix Llobregat kaj Bages. En tiu ĉi montaro troviĝas la sanktejo kaj benedikta monaĥejo de Montserrat, dediĉita al la Virgulino de Montserrat.

La vorto mont signifas monto kaj serrat signifas segita, en la kataluna. La nomo devenas Resultado de imaxes para escut de Montserratel tio, ke pro ĝia speciala morfologio ĝi aspektas kvazaŭ oni estus provinta ĝin segi per giganta segilo. Same la vorto serrat kiel la vorto serralada (montaro), venas el serra, kiu siavice venas el la latina serra, nomo de la ilo por segi (segilo).

En heraldikaj reprezentoj, Montserrat montriĝas kiel montoĉeno el oro sur  ruĝa fono kaj kun orsegilo ĝin surtranĉanta.

Spiriteco

De kiam oni, laŭ la legendo, trovis statuon de Virgulino en la Santa Cova (Sankta Groto), Imaxe relacionadaMontserrat estis ligita al spiriteco. Krom la monaĥejon, la monto enhavas rimarkindan nombron de preĝejon kaj ermitejoj, kelkajn tute forlasitajn, kiel tiuj de Santa Cecilia, Sant Benet,  Sant Joan aŭ Sant Jeroni.

 

La Virgulino, popole konata kiel la Moreneta (la Brunulino), pro ĝia malhela koloro, estas romanica skulptaĵo el ligno datumita je la fino de la 12a jarcento. Ĝia koloro estas rezulto el la ŝanĝiĝo de la verniso pro la tempopaso. La festo de la Virgulino de Montserrat okazas la 27an de aprilo. La Virgulino estas la patrono de Katalunio.

Legendo

Laŭ la legendo, en la jaro 880, en sabata vespero, iuj paŝtistoj vidis malsupreniri el la ĉielo fortan lumon akompanitan de belega melodio. Sekvantan sabaton la vizio ripetiĝis. La postajn kvar sabatojn, la pastro de Olesa (loka vilaĝo) akompanis la paŝtistojn, kiu atestis pri la vizio.

La episkopo, sciinte pri la okazaĵo, organizis viziton kaj dum ĝi ili trovis groton en kiu kuŝis la Sankta Skulptaĵo. La episkopo Vila proponis translokigi la skulptaĵon a urbo Manresa sed, ekmovinte la figuron, ĝi iĝis pli kaj pli peza ĝis kiam oni ne plu povis antaŭeniri. La episkopo interpretis tiun fenomenon kiel deziro de la Virgulino resti en tiu loko kaj, sekve, li ordonis konstrui tie kapelon.

La monaĥejo

Inter la diversaj konstuaĵoj de la benedikta monaĥejo, la kapitula salono, la novromanika  klaŭstro kaj la refektorio elstaras pro ĝia arkitekta stilo, renovigita en 1925 de Josep Puig i Cadafalch.

La nuntempa komunumo de Montserrat konsistas el okdek monaĥoj sekvantaj la regulo de Sankta Benedikto (6a jarcento). La ĉefa celo de la komunumo estas zorgi ke la monto plu estu referencpunkto por renkontado kaj preĝado.

 

Kulturo

La kulturo ankaŭ estas parto de Montserrat ĉar la monaĥejo inkluzivas bibliotekon kun Resultado de imaxes para revista serra d'or abadia de montserratpreskaŭ 300.000 libroj, koruslernejon por infanoj (konsiderata la plej antikvan el Eŭropo) kaj muzeon enhavanta verkojn de El Greco, Picasso kaj Salvador Dalí. Krome ankaŭ oni konservas tie trezoroj el Antikva Egiptio, kio inkluzivas mumion.

La monaĥejo zorgas pri editado sub la stampo Publicacions de l’Abadia de Montserrat (Publikaĵoj de la Abatejo de Montserrat), inter ili la revuo Serra d’Or (Ora Segilo).

Fonto: la informoj estas parta traduko de la artikolo en kataluna Vikipedio

 

 

 

 

 

Life Montserrat-Vivo en Montserrat

socisSlider21Life Montserrat estas projekto kiu celas protekti la vivdiversecon de la montaro kaj preventi kontraŭ arbaraj incendioj per nova strategio: la arbaro-paŝtista prizorgado.

La ĉefaj celoj de la projekto estas:

  • Disvolvado de agoj kadre de la ekosistemoj por plifortigi la restariĝkapablojn de arbaroj fronte al incendioj.
  • Kontribuo al konservo kaj plibonigo de la vivdiversecon en la montaro.
  • Konservo de la vivdiverseco per interkonektado, kreanto mozaikon el arbustaroj, naturaj herbejoj kaj arbaroj.

Pli da informoj legeblas en ilia ĉefpaĝo Life Monserrat (katalune, hispane kaj angle)

La telfero de Montserrat

aeri-1Krom per privata veturilo, al Montserrat eblas iri per du pitoreskaj transportiloj: ziptrajno kaj telfero. Hodiau ni publikigas bildojn kaj retligon pri tiu ĉi lasta, la plej ekscita kaj aventura. La funikularo de Montserrat komunikigas la stacidomon Aeri de Montserrat, de la trajnlinio Barcelona-Manresa, kun la monaĥejo. Ĝi estis inaugurita en 1930 kaj nuntempe plu proponas transportservon konservinte la originalan domkonstruaĵon, kvankam ĝi iam trairis periodon sen funkciado pro damaĝoj okazintaj dum la hispana intercivitana milito

cabina-aeri-montserratOLYMPUS DIGITAL CAMERAcable_car